యూఏఈ: ఇండియాలోని న్యూఢిల్లీ నుండి అబుదాబికి వస్తున్న ఎతిహాద్ ఎయిర్‌వేస్ విమానాన్ని వైద్య అత్యవసర పరిస్థితి కారణంగా మస్కట్‌కు మళ్లించారని ఎయిర్‌లైన్ తెలిపింది. ప్రయాణీకుడికి తక్షణ వైద్య సహాయం అవసరమని, ఇందిరా గాంధీ అంతర్జాతీయ విమానాశ్రయం నుండి జాయెద్ అంతర్జాతీయ విమానాశ్రయానికి వెళ్లే EY213 విమానాన్ని ఒమానీ రాజధానికి మళ్లించారు.

"విమాన ప్రయాణానికి కలిగిన అంతరాయం పట్ల మేము క్షమాపణలు కోరుతున్నాము.మీ ప్రయాణంలో మీకు సహాయం చేయడానికి మా బృందాలు తమ వంతు కృషి చేస్తున్నాయి." అని ఎయిర్‌లైన్ ఒక ప్రకటనలో తెలిపింది. ప్రయాణీకులు, సిబ్బంది భద్రత తమ ప్రధాన ప్రాధాన్యత అని ఎతిహాద్ ఎయిర్‌వేస్ తెలిపింది. మళ్లింపు వల్ల కలిగే ఏదైనా అసౌకర్యానికి చింతిస్తున్నట్లు తెలిపింది.