కువైట్: కువైట్ లోని  షేక్ సలేం అల్-అలీ కేంద్రంలో రసాయన, రేడియోధార్మిక పదార్థాల కార్యకలాపాలను కువైట్ నేషనల్ గార్డ్ (KNG) డిప్యూటీ చీఫ్ షేక్ ఫైసల్ నవాఫ్ అల్-అహ్మద్ అల్-జాబర్ అల్-సబా పర్యవేక్షించారు. రేడియోధార్మిక, రసాయన కార్యకలాపాల పర్యవేక్షణలో భాగంగా డిప్యూటీ చీఫ్ ప్రత్యేకంగా తనిఖీలు నిర్వహించినట్లు కేఎన్జీ ఒక ప్రకటనలో తెలిపింది. అన్ని రకాల అత్యవసర పరిస్థితులను ఎదుర్కొనేందుకు కువైట్‌ సర్వసన్నద్ధంగా ఉందన్నారు. కువైట్ వాసులను రక్షించడానికి కువైట్ నేషనల్ గార్డ్ నిరంతరం అప్రమత్తంగా ఉంటుందని  డిప్యూటీ చీఫ్ స్పష్టం చేశారు.