మనామా: మధ్యప్రాచ్యంలో ఉద్రిక్తతలను తగ్గించడానికి రష్యా అధ్యక్షుడు వ్లాదిమిర్ పుతిన్ చేస్తోన్న కృషికి బహ్రెయిన్ జాతీయ భద్రతా సలహాదారు, రాయల్ గార్డ్ కమాండర్ లెఫ్టినెంట్ జనరల్ హిస్ హైనెస్ షేక్ నాజర్ బిన్ హమద్ అల్ ఖలీఫా ధన్యవాదాలు తెలిపారు. సెయింట్ పీటర్స్‌బర్గ్ ఇంటర్నేషనల్ ఎకనామిక్ ఫోరం (SPIEF) సందర్భంగా జరిగిన ఉన్నత స్థాయి సమావేశంలో ఈమేరకు కృతజ్ఞతలు తెలిపారు.రష్యా - బహ్రెయిన్ మధ్య శాశ్వత సంబంధాలను ప్రశంసించారు.

అధ్యక్షుడు పుతిన్.. ప్రిన్స్ నాజర్, అతనితో పాటు వచ్చిన బహ్రెయిన్ ప్రతినిధి బృందాన్ని హృదయపూర్వకంగా స్వాగతించారు. "దురదృష్టవశాత్తు, మధ్యప్రాచ్యంలో పెరుగుతున్న ఉద్రిక్తతల నేపథ్యంలో మా సమావేశం జరుగుతోంది. అక్కడి పరిణామాలను మనమందరం ఆందోళనతో గమనిస్తున్నాము." అని పేర్కొన్నారు. జాతీయ భద్రతలో విస్తృతమైన బాధ్యతలు ఉన్నప్పటికీ, షేక్ నాజర్ ఉనికి రష్యాతో తన భాగస్వామ్యాన్ని పెంపొందించుకోవడానికి బహ్రెయిన్ బలమైన నిబద్ధతను ప్రదర్శిస్తుందని పుతిన్ అన్నారు. “ఈ సంవత్సరం మొదటి త్రైమాసికంలో, గత సంవత్సరంతో పోలిస్తే, పరస్పర వాణిజ్యంలో 15% వృద్ధిని చూశాము” అని ఆయన పేర్కొన్నారు.  రెండు దేశాలు ఆర్థిక, సాంస్కృతిక మరియు మానవతా రంగాలలో దగ్గరగా పనిచేస్తున్నాయన్నారు.