కువైట్: కస్టమ్స్ జనరల్ అడ్మినిస్ట్రేషన్ నువైసీబ్ పోర్టులో కొత్త అధునాతన ప్యాలెట్ చెకింగ్ పరికరాన్ని ప్రారంభించింది. ఇది మొత్తం తనిఖీ వ్యవస్థను బలోపేతం చేస్తుందని,  భద్రతా చర్యలను మెరుగుపరుస్తుందని పేర్కొన్నారు. కస్టమ్స్ కార్యకలాపాలను ఆధునీకరించడానికి కొనసాగుతున్న ప్రయత్నాలలో భాగంగా ఈ కొత్త చెకింగ్ వ్యవస్థను ఏర్పాటు చేసినట్లు ఒక ప్రకటనలో తెలిపారు.

అత్యాధునిక సాంకేతిక పరిజ్ఞానాన్ని ఉపయోగించే కొత్త పరికరం కస్టమ్స్ తనిఖీలను మెరుగుపరచడంతోపాటు  అక్రమ రవాణాను నిరోధిస్తుందన్నారు. షువైఖ్ పోర్టు, దోహా పోర్టు, ఎయిర్ కార్గో కస్టమ్స్, సులైబియా,  వెజిటబుల్ మార్కెట్ కస్టమ్స్ కార్యాలయాలు వంటి ఇతర కీలక కస్టమ్స్ ప్రదేశాలలో ఇలాంటి పరికరాలను ఇప్పటికే ఏర్పాటు చేసినట్టు తెలిపారు.