యూఏఈ: జూలై నెలకు సంబంధించిన ఇంధన ధరలను యూఏఈ ప్రకటించింది. జూన్‌, మే నెలలో స్థిరంగా కొనసాగిన ఇంధన ధరలు, జులై నెలలో కాస్తా పెరిగాయి.ఇజ్రాయెల్- ఇరాన్ మధ్య వివాదం నేపథ్యంలో ఇంధన ప్రపంచ చమురు ధరలు పెరగడంతో ఆ ప్రభావం యూఏఈలో పెట్రోల్ ధరలపై పడింది. దాంతో జూలైలో ఇంధన ధరలను పెంచాల్సి వచ్చిందని అధికారులు తెలిపారు.  

జూలై 1 నుండి కొత్త ధరలు వర్తిస్తాయి. ధరలు క్రింది విధంగా ఉన్నాయి.

-జూన్‌లో Dh2.58 ధరతో పోలిస్తే సూపర్ 98 పెట్రోల్ లీటరుకు Dh2.70 ధరతో ప్రారంభమవుతుంది.

-ప్రస్తుత Dh2.47 ధరతో పోలిస్తే స్పెషల్ 95 పెట్రోల్ లీటరుకు Dh2.58 ధరతో ప్రారంభమవుతుంది.

-జూన్‌లో E-ప్లస్ 91 పెట్రోల్ లీటరుకు Dh2.39 ధర ఉండగా, అది ఇప్పడు Dh2.51 ధరతో ప్రారంభమవుతుంది.

-ప్రస్తుత Dh2.45 ధరతో పోలిస్తే డీజిల్ లీటరుకు Dh2.63 ధరను వసూలు చేయనున్నారు.

 2015లో యూఏఈ పెట్రోల్ ధరలను ప్రభుత్వ నియంత్రణ నుండి ఉపసంహరించింది. ప్రపంచ చమురు ధరలకు అనుగుణంగా ప్రతి నెలా చివరిలో ధరలను సవరిస్తారు.