యూఏఈ:  దుబాయ్‌లో ఉష్ణోగ్రతలు 45°C దాటడంతో అక్కడి వారందరూ సేదతీరేందుకు జెబెల్ జైస్‌ కు తరలివెళుతున్నారు. అక్కడ 21°C ఉష్ణోగ్రతలతో చల్లగా  ఉండటంతో అందరూ వెకేషన్ కోసం అక్కడకు వెళ్లేందుకు ఆసక్తి చూపుతున్నారు.

దుబాయ్,  షార్జాలో ఉష్ణోగ్రతలు 45°C కంటే ఎక్కువగా నమోదవుతున్నాయి. ఈ నేపథ్యంలో యూఏఈ నివాసితులు దేశంలోని ఎత్తైన పర్వత ప్రాంతమైన జెబెల్ జైస్ వద్ద సేదతీరేందుకు బారులు కడుతున్నారు. ఇక్కడ ఉష్ణోగ్రతలు ఇప్పుడు రాత్రిపూట 21°Cకి, పగటిపూట 27°C వరకు నమోదవుతున్నాయి.

అధిక విమాన ఛార్జీలు లేదా వ్యక్తిగత కారణాల వల్ల ఈ వేసవిలో చాలా మంది అంతర్జాతీయ ప్రయాణాలను చేయలేకపోతున్నారు. దాంతో  అనేక కుటుంబాలు, స్నేహితుల గ్రూప్ లు రాస్ అల్ ఖైమా పర్వతాలపై నైట్ క్యాంపింగ్ చేయడానికి, బార్బెక్యూలను ఆస్వాదించడానికి

జెబెల్ జైస్ కొత్త వేసవి హాట్‌స్పాట్
చల్లని ఉష్ణోగ్రతలు: గరిష్టంగా 27 డిగ్రీల సెల్సియస్,కనిష్టంగా 21 డిగ్రీల సెల్సియస్‌. ఇది నగరంలోని వేడి వాతావవరణం నుండి భారీ ఉపశమనం అందజేస్తుంది.

చేరుకోవడం సులభం: దుబాయ్, షార్జా లేదా అబుదాబి నుండి కేవలం 1.5 నుండి 2 గంటల ప్రయాణం.

బడ్జెట్-ఫ్రేండ్లీ: విమాన టిక్కెట్లు లేదా హోటల్ బుకింగ్‌లు లేవు. ఇంధనం, ఆహారం ఉంటే చాలు. 

సురక్షితమైన ప్రాంతం: చక్కటి నిర్వహణతో ఉండే రోడ్లు, పబ్లిక్ టాయిలెట్లు,  పుష్కలంగా లాన్స్ , కుటుంబాలతోపాటు స్నేహితులతో సరదాగా టైమ్ ను గడపవచ్చు. 

టూర్ ప్లాన్ టిప్స్
-మధ్యాహ్నం ఆలస్యంగా లేదా రాత్రిపూట ఉత్తమ చల్లని వాతావరణాన్ని ఆస్వాదించడానికి ప్లాన్ చేసుకోవాలి.

-చల్లగా ఉంటుంది కాబట్టి రాత్రిపూట వెచ్చని బట్టలు ఉండేలా చూసుకోవాలి.

-మ్యారినేట్ చేసిన ఆహారం, పోర్టబుల్ గ్రిల్, నీరు, చెత్త సంచులను వెంట తెచ్చుకోవల్సిందే.