కువట్: అమ్ఘర ప్రాంతంలోని ఒక వుడ్ స్క్రాప్ యార్డ్‌లో భారీ అగ్నిప్రమాదం చోటుచేసుకుంది. కువైట్ ఆర్మీ అగ్నిమాపక విభాగం, నేషనల్ గార్డ్ మద్దతుతో కువైట్ అగ్నిమాపక దళానికి చెందిన తొమ్మిది అగ్నిమాపక బృందాలు వేగంగా స్పందించి మంటలను అదుపులోకి తీసుకొచ్చారు. 

కువైట్ అగ్నిమాపక దళంలోని పబ్లిక్ రిలేషన్స్ అండ్ మీడియా విభాగం డైరెక్టర్ బ్రిగేడియర్ జనరల్ మొహమ్మద్ అల్-గరీబ్ ప్రకారం..  తీవ్రమైన వేడి, అధిక గాలి వేగం మంటలు వేగంగా వ్యాప్తి చెందడానికి దోహదపడ్డాయని అన్నారు. స్క్రాప్ యార్డ్‌లో కలప, పెయింట్స్, సిరామిక్స్, భవన సామాగ్రి, ఇనుము వంటి అత్యంత మండే స్వభావం ఉన్న పదార్థాలు ఉన్నాయని తెలిపారు. ఈ ఆపరేషన్‌లో దాదాపు 180 మంది అగ్నిమాపక సిబ్బంది పాల్గొన్నారు .