మనామా: 2025 మొదటి ఆరు నెలల్లో బహ్రెయిన్ 22,200 కంటే ఎక్కువ వాహనాలను దిగుమతి చేసుకుంది  గత సంవత్సరం ఇదే కాలంతో పోలిస్తే ఇది 15% పెరుగుదల అని అధికారిక గణాంకాలు చెబుతున్నాయి.2024 మొదటి అర్ధభాగంలోదాదాపు 19,400 వాహనాలు దిగుమతి అయ్యాయి.ఈ పెరుగుదలకు స్థానిక మార్కెట్ వృద్ధి, జనాభా పెరుగుదల, కొనసాగుతున్న గృహ విస్తరణ ప్రాజెక్టులు, ముఖ్యంగా ఆటో రంగంలో పెరిగిన వినియోగదారుల రుణ కార్యకలాపాలు మద్దతు ఇస్తున్నాయని వెల్లడించారు.అత్యధికంగా ఖలీఫా బిన్ సల్మాన్ పోర్ట్ ద్వారానే వాహనాలు దిగుమతి అవుతున్నాయని తెలిపారు.

స్థానిక డీలర్‌షిప్ డేటా ప్రకారం..బహ్రెయిన్ ఆటో మార్కెట్ సాధారణంగా ప్రతి సంవత్సరం 28,000 నుండి 35,000 కొత్త వాహనాలు సేల్ అవుతాయని స్థానిక డీలర్‌షిప్ డేటా తెలిపింది. అదే సమయంలో  యునైటెడ్ స్టేట్స్, జపాన్, దక్షిణ కొరియా నుండి కార్ల దిగుమతులు ఎక్కువగా జరుగుతున్నాయని డేటా వెల్లడించింది.