బాలీవుడ్ సూపర్‌స్టార్ అమితాబ్ బచ్చన్‌ను స్వచ్ఛభారత్ బ్రాండ్ అంబాసిడర్‌గా కేంద్ర ప్రభుత్వం నియమించింది. వ్యర్ధాల నుంచి ఎరువుల తయారీ పథకానికి అమితాబ్ అంబాసిడర్‌గా వ్యవహరిస్తారు. అమితాబ్ ఇప్పటికే బేటీ బచావో బేటీ పడావో పథకానికి కూడా అంబాసిడర్‌గా ఉన్నారు. తాజాగా మళ్లీ అమితాబ్‌నే వేస్ట్ టు కంపోస్ట్ క్యాంపెయిన్‌కు రాయబారిగా నియమించారు. పనామా పేపర్లలో అవినీతికి పాల్పడ్డారంటూ వచ్చిన ఆరోపణల్లో అమితాబ్ కంపెనీతో పాటు కుటుంబ సభ్యుల పేర్లు కూడా వెలుగులోకి రావడంతో అమితాబ్‌ను బ్రాండ్ అంబాసిడర్‌గా కొనసాగించడంపై విపక్షాలు మండిపడ్డాయి. అయితే పనామా ఆరోపణలతో పాటు విపక్షాల విమర్శలను లెక్కచేయని ప్రభుత్వం అమితాబ్‌ను మరో పథకానికి అంబాసిడర్‌గా నియమించడం ఎంత రగడ సృష్టిస్తుందో మరి.