కువైట్: అంతర్జాతీయ మాదకద్రవ్య అక్రమ రవాణా నెట్‌వర్క్‌లకు పెద్ద దెబ్బ తగిలింది. కువైట్ క్రిమినల్ సెక్యూరిటీ సెక్టార్.. సుమారు నాలుగు మిలియన్ల కాప్టాగన్ మాత్రలను అక్రమంగా రవాణా చేసే ప్రయత్నాన్ని విజయవంతంగా అడ్డుకుంది. KD 12 మిలియన్ల మార్కెట్ విలువ కలిగిన సైకోట్రోపిక్ పదార్థాలను నీటి శుద్ధి కోసం ఉపయోగించే పైపులలో తెలివిగా దాచిపెట్టగా గుర్తించి సీజ్ చేశారు.

జనరల్ డిపార్ట్‌మెంట్ ఆఫ్ నార్కోటిక్స్ కంట్రోల్‌ అందించిన సమాచారం మేరకు రైడ్స్ చేసినట్లు అధికారులు తెలిపారు.  దీనికి సూత్రధారిగా భావిస్తున్న ప్రధాన నిందితుడు విదేశాలలో ఉన్నాడని పేర్కన్నారు.   ఈ సందర్భంగా ఆపరేషన్ లో పాల్గొన్న వివిధ ఏజెన్సీల మధ్య విజయవంతమైన సహకారాన్ని అంతర్గత వ్యవహారాల మంత్రిత్వ శాఖ ప్రశంసించింది.