యూఏఈ:  గాజా స్ట్రిప్‌పై రెండు జోర్డాన్, ఒక ఎమిరాటీ విమానం 25 టన్నుల మానవతా సహాయాన్ని ఎయిర్ డ్రాప్ చేశాయని జోర్డాన్ సైన్యం ఒక ప్రకటనలో తెలిపింది. యూఏఈ విదేశాంగ మంత్రి షేక్ అబ్దుల్లా బిన్ జాయెద్ అల్ నహ్యాన్.. గాజాలో కొనసాగుతున్న మానవతా కార్యక్రమంలో భాగంగా ఎమిరేట్స్ వెంటనే గాజాకు వైమానిక దళ కార్యకలాపాలను తిరిగి ప్రారంభిస్తుందని తెలిపిన విషయం తెలిసిందే. నిరంతర అంతర్జాతీయ సహాయ ప్రయత్నాల అత్యవసర అవసరాన్ని ఇది తెలియజేస్తుందని తన పోస్టులో పేర్కొన్నారు. 

మరోవైపు, గాజాలోని కొన్ని ప్రాంతాలలో సైనిక కార్యకలాపాలను నిలిపివేస్తున్నట్లు ఇజ్రాయెల్ సైన్యం ప్రకటించింది. ఆదివారం నుండి గాజాలోని మూడు ప్రాంతాలలో ప్రతిరోజూ ఉదయం 10 గంటల నుంచి రాత్రి 8 గంటల వరకు కాల్పులకు బ్రేక్ ఇవ్వనున్నట్లు పేర్కొంది.