కువైట్: ప్రైవేట్ డ్రైవింగ్ లైసెన్స్ నిబంధనలకు సంబంధించిన తాజా అప్డేట్ లను కువైట్ అంతర్గత వ్యవహారాల మంత్రిత్వ శాఖ వెల్లడించింది. ఈ మేరకు అధికారిక గెజిట్ (కువైట్ టుడే) విడుదల చేసింది.

తాజా సవరణ ప్రకారం.. ఏడుగురు కంటే ఎక్కువ మంది ప్రయాణికులు లేని ప్రైవేట్ కార్లు, రెండు టన్నులకు మించని లోడ్ సామర్థ్యం కలిగిన ట్రాన్స్ పోర్ట్ వాహనాలు, అలాగే టాక్సీలు, అంబులెన్స్‌లను డ్రైవ్ చేయడానికి ఇప్పుడు ప్రైవేట్ లైసెన్స్‌ను ఉపయోగించవచ్చు. రెసిడెన్సీ స్థితి ఆధారంగా లైసెన్స్ చెల్లుబాటును కూడా సర్దుబాటు చేసుకోవచ్చు.

కువైట్, గల్ఫ్ కోఆపరేషన్ కౌన్సిల్ (GCC) సిటిజన్స్.. లైసెన్స్ 15 సంవత్సరాల పాటు చెల్లుబాటు అవుతుంది. ప్రవాసులకు ఇది 5 సంవత్సరాలు.   అధికారిక గెజిట్‌లో ప్రచురించబడిన తేదీ నుండి వెంటనే అమలులోకి వచ్చే ఈ నిర్ణయం అమలును అంతర్గత వ్యవహారాల తాత్కాలిక అండర్ సెక్రటరీ పర్యవేక్షిస్తారని మంత్రిత్వ శాఖ పేర్కొంది.