దోహా, ఖతార్: తీవ్రమైన వాతావరణ పరిస్థితుల దృష్ట్యా అవసరమైన ముందు జాగ్రత్త చర్యలు తీసుకోవాలని కార్మిక మంత్రిత్వ శాఖ, అన్ని సంస్థలకు అత్యవసర అడ్వైజరీ జారీ చేసింది. వృత్తిపరమైన భద్రత, ఆరోగ్య మార్గదర్శకాలను పాటించాలని సూచించింది. పనివేళల్లో కార్మికులను రక్షించడానికి అవసరమైన అన్ని రక్షణ చర్యలు తీసుకోవాలని మంత్రిత్వ శాఖ స్పష్టం చేసింది.

శ్వాసకోశ వ్యవస్థలోకి దుమ్ము చేరే ప్రమాదాన్ని తగ్గించడానికి ముఖం, ముక్కు, నోరు క్రమం తప్పకుండా కడుక్కోవాలని.. ఫేస్ మాస్క్ ధరించాలని సిఫార్సు చేశారు. కళ్లలోకి దుమ్ము చేరితే, చికాకును నివారించడానికి వెంటనే నీటితో కడుక్కోవాలని సూచించారు. ముఖ్యంగా శ్వాసకోశ సమస్యలు ఉన్నవారు వీలైనంత వరకు ఇళ్లలోనే ఉండాలన్నారు.