రియాద్: సహకార ఆరోగ్య బీమా చట్టంలోని నిబంధనలను ఉల్లంఘించినందుకు 110 మంది యజమానులపై ఆరోగ్య బీమా మండలి (CHI) మొత్తం SR2.5 మిలియన్ల జరిమానాలు విధించిందని ప్రకటించింది. యజమానులు తమ ఉద్యోగులకు, అర్హత కలిగిన కుటుంబ సభ్యులకు తప్పనిసరి ఆరోగ్య బీమా కవరేజీని అందించడంలో విఫలమవడం వల్ల ఈ ఉల్లంఘనలు జరిగాయని CHI పేర్కొంది.  

సహకార ఆరోగ్య బీమా చట్టంలోని ఆర్టికల్ 14 ప్రకారం, ఉద్యోగులు , వారిపై ఆధారపడిన వారి కోసం బీమా ప్రీమియంలను సబ్‌స్క్రైబ్ చేయడంలో లేదా చెల్లించడంలో విఫలమైన ఏ యజమాని అయినా బకాయి ఉన్న ప్రీమియంలను చెల్లించాల్సి ఉంటుంది. అలాగే ప్రతి వ్యక్తికి వార్షిక సబ్‌స్క్రిప్షన్ విలువను మించని జరిమానా విధించబడుతుంది. అదనంగా, ఉల్లంఘించినవారు విదేశీ కార్మికులను నియమించుకోవడంపై తాత్కాలిక లేదా శాశ్వత నిషేధాలను ఎదుర్కోవలసి ఉంటుంది.

ఈ చర్యలు కౌన్సిల్ తన నియంత్రణ పాత్రను బలోపేతం చేయడానికి, తప్పనిసరి ఆరోగ్య బీమా సమ్మతిని నిర్ధారించే ప్రయత్నాలలో భాగమని, లబ్ధిదారుల హక్కులను కాపాడటం..వ్యవస్థలో న్యాయమైన, పారదర్శకతను పెంపొందించడం లక్ష్యంగా పెట్టుకున్నాయని  CHI ప్రతినిధి ఇమాన్ అల్-తురైకి పేర్కొన్నారు.