మనామాః బహ్రెయిన్‌లో చట్టవిరుద్ధంగా నివసిస్తున్న డొమెస్టిక్ వర్కర్లకు ఆశ్రయం కల్పించి, సహాయం చేసినందుకు రెండవ మైనర్ క్రిమినల్ కోర్టు పది మందికి రెండు నుండి మూడు నెలల వరకు జైలు శిక్ష విధించింది. దోషులలో ఎనిమిది మందిని జైలు శిక్ష అనుభవించిన తర్వాత బహిష్కరించాలని కోర్టు ఆదేశించింది.
ఒక బహ్రెయిన్ వ్యక్తి, అతని భార్య చట్టవిరుద్ధంగా ఐదుగురు ఆసియా  వర్కర్లకు ఆశ్రయం కల్పించారని పబ్లిక్ ప్రాసిక్యూషన్ తెలిపింది. వారికి సహకరించిన మరో ముగ్గురిని కూడా అదుపులోకి తీసుకొని కేసులు నమోదు చేసినట్లు వెల్లడించింది. దర్యాప్తు ఆధారంగా అందరికపై క్రిమినల్ కేసులు నమోదు చేసినట్లు పేర్కొంది.ఈ కేసును విచారించిన క్రిమినల్ కోర్టు, ఆరోపణలు ఎదుర్కొంటున్న వారిని దోషులుగా తేల్చింది.