రియాద్: సౌదీ అరేబియాకు వచ్చే లేదా బయలుదేరే ప్రయాణీకుల వద్ద డ్రగ్స్, సైకోట్రోపిక్ పదార్థాలు కలిగిన నియంత్రిత ఔషధాల కోసం క్లియరెన్స్ అనుమతిని పొందే విధానాలను సౌదీ ఫుడ్ అండ్ డ్రగ్ అథారిటీ (SFDA) వివరించింది. రోగుల ప్రయాణాన్ని సులభతరం చేయడానికి మరియు భద్రతా ప్రమాణాలను నిర్ధారించడంలో SFDA గైడ్ లైన్స్ ఉపయోగపడతాయని పేర్కొంది. నియంత్రిత ఔషధ అనుమతులకు సంబంధించిన పూర్తి సమాచారం SFDA వెబ్ సైట్ లో ఉందని తెలిపింది.  

ప్రయాణికులు ఇప్పుడు CDS ప్లాట్‌ఫామ్ ద్వారా పర్సనల్ ఖాతాను రూపొందించి, అందులో ట్రిప్ సమాచారంతోపాటు ఎలక్ట్రానిక్ క్లియరెన్స్ పర్మిట్ కు వీలుగా డాక్టర్ ప్రిస్క్రిప్షన్, మెడికల్ రిపోర్ట్ వంటి పత్రాలను అప్‌లోడ్ చేయాలని సూచించింది. ఖచ్చితమైన వివరాలను అందించడం ద్వారా ప్రయాణికులు మెడిసిన్స్ కోసం క్లియరెన్స్ ను సులువుగా పొందవచ్చని పేర్కొంది.