మస్కట్: ఒమన్‌లో మొత్తం మొబైల్ టెలికాం సబ్‌స్క్రిప్షన్‌ల సంఖ్య జూన్ చివరి నాటికి 8 మిలియన్లు దాటింది.  గతేడాదితో పోలిస్తే ఇది 15.7 శాతం పెరుగుదలను నమోదు చేసింది. జూన్ 2025 చివరి నాటికి యాక్టివ్ మొబైల్ బ్రాడ్‌బ్యాండ్ సబ్‌స్క్రిప్షన్‌ల సంఖ్య 5,516,530కి పెరిగిందని నేషనల్ సెంటర్ ఫర్ స్టాటిస్టిక్స్ అండ్ ఇన్ఫర్మేషన్ తాజా లెక్కులు చెప్పాయి.

అదే సమయంలో యాక్టివ్ పోస్ట్‌పెయిడ్ మొబైల్ సబ్‌స్క్రిప్షన్‌లు 5.3 శాతం పెరిగి 1,236,561కి చేరుకున్నాయి. యాక్టివ్ ప్రీపెయిడ్ మొబైల్ సబ్‌స్క్రిప్షన్‌లు కూడా 3.6 శాతం పెరిగి 5,236,191 సబ్‌స్క్రిప్షన్‌లకు చేరుకున్నాయి. ఇంటర్నెట్ ఆఫ్ థింగ్స్ సబ్‌స్క్రిప్షన్‌లు 118.6 శాతంతో అసాధారణ వృద్ధిని నమోదు చేశాయి. జూన్ 2025 చివరి నాటికి 1,560,256 సబ్‌స్క్రిప్షన్‌లకు చేరుకున్నాయి.

మరోవైపు యాక్టివ్ ఫిక్స్‌డ్ బ్రాడ్‌బ్యాండ్ సబ్‌స్క్రిప్షన్‌లు 2.2 శాతం పెరిగి, 588,477 సబ్‌స్క్రిప్షన్‌లకు చేరుకున్నాయి. ఫైబర్ ఆప్టిక్ సబ్‌స్క్రిప్షన్‌లు 10.3 శాతం పెరిగి, 339,309 సబ్‌స్క్రిప్షన్‌లకు చేరుకున్నాయి. అయితే ఫిక్స్‌డ్ 5G సబ్‌స్క్రిప్షన్‌లు 1.5 శాతం పెరిగి 215,434 కు చేరుకున్నాయి.