రియాద్:  సౌదీ అరేబియాలో జనవరి నుంచి జూలై  మధ్య దుమ్ము, ఇసుక తుఫానులు 53 శాతం తగ్గుదల నమోదైందని రీజినల్ సెంటర్ ఫర్ డస్ట్ అండ్ సాండ్ స్టార్మ్స్ నివేదించింది.  జనవరిలో 80 శాతం, ఫిబ్రవరిలో 40 శాతం, మార్చిలో 75 శాతం, ఏప్రిల్‌లో 41 శాతం, మేలో 40 శాతం, జూన్‌లో 59 శాతం మరియు జూలైలో 41 శాతం తగ్గుదల నమోదు అయినట్లు సెంటర్ ఎగ్జిక్యూటివ్ డైరెక్టర్ జమాన్ అల్-ఖహ్తానీ వెల్లడించారు.

సౌదీ గ్రీన్ ఇనిషియేటివ్, క్లౌడ్ సీడింగ్ ప్రోగ్రామ్‌లు, ఫారెస్ట్ విస్తరణ ప్రాజెక్టులు, పర్యావరణ వ్యవస్థ రక్షణలో రాయల్ రిజర్వ్‌ల పాత్ర వంటి సమగ్ర జాతీయ పర్యావరణ ప్రయత్నాల వల్ల ఈ తగ్గుదల సాధ్యమైందని అల్-ఖహ్తానీ పేర్కొన్నారు.