కువైట్: జహ్రా గవర్నరేట్ లో ప్రభుత్వ ఉద్యోగిని అరెస్టు చేశారు. అతడి వద్ద నుంచి భారీ మొత్తంలో డ్రగ్స్, గన్ ను స్వాధీనం చేసుకున్నట్లు అంతర్గత వ్యవహారాల మంత్రిత్వ శాఖ తెలిపింది.  

అల్-నయీమ్ ప్రాంతంలో ఓ కారు ప్రమాదానికి గురైందని అత్యవసర హాట్‌లైన్ నెంబర్ 112కు అందిన సమాచారంతో భద్రతా టీమ్ సంఘటనా స్థలానికి చేరుకుందని వెల్లడించింది.   ప్రమాదంలో గాయపడ్డ వారిలో ఓ వ్యక్తి మత్తులో ఉన్నాడని, అతడి కారు నుంచి లిరికా పిల్స్, హాషిష్, డ్రగ్స్ వినియోగానికి ఉపయోగించే పరికరాలు, 9mm తుపాకీ, బుల్లెట్లను జహ్రా గవర్నరేట్ రెస్క్యూ అధికారులు స్వాధీనం చేసుకున్నారని తెలిపింది.

అరెస్టయిన వ్యక్తి అంతర్గత వ్యవహారాల మంత్రిత్వ శాఖలో ఉద్యోగి అని, అతనిపై చట్టపరమైన చర్యలు తీసుకున్నామని వెల్లడించింది. నయీమ్ పోలీస్ స్టేషన్‌ లో కేసు నమోదు అయిందని, తదుపరి దర్యాప్తు కోసం జనరల్ డిపార్ట్‌మెంట్ ఫర్ డ్రగ్ కంట్రోల్‌కు పంపినట్లు మంత్రిత్వ శాఖ తెలిపింది.