రియాద్: సౌదీ నేతృత్వంలోని కంబైన్డ్ మారిటైమ్ ఫోర్సెస్ (CMF) అరేబియా సముద్రంలో $972.4 మిలియన్లకు పైగా విలువైన మాదకద్రవ్యాలను స్వాధీనం చేసుకుంది. 48 గంటల్లో రెండు వేర్వేరు అనుమానస్పద డో సెయిలింగ్ పడవలను అడ్డుకున్నట్లు పేర్కొన్నారు. తెలిపింది. వాటిల్లోంచి అనేక టన్నుల క్రిస్టల్ మెథాంఫెటమైన్ మరియు తక్కువ మొత్తంలో కొకైన్‌ను స్వాధీనం చేసుకున్నట్టు CMF టాస్క్‌ఫోర్స్ కమాండర్, రాయల్ సౌదీ నావల్ ఫోర్సెస్ కమోడోర్ ఫహద్ అల్జోయాద్ అన్నారు.

స్వాధీనం చేసుకున్న వాటిల్లో $962 మిలియన్ల విలువైన రెండు టన్నులకు పైగా క్రిస్టల్ మెథాంఫేటమిన్‌, $10 మిలియన్లు విలువైన 50 కిలోగ్రాముల కొకైన్‌ ఉన్నాయి.  47 దేశాల నావికాదళాలను కలిగి ఉన్న CMF ఫోర్స్, ప్రపంచంలోని అత్యంత రద్దీగా ఉండే షిప్పింగ్ లేన్‌లతో సహా మూడు మిలియన్ చదరపు మైళ్లకు పైగా సముద్రంలో గస్తీ తిరుగుతున్నాయి.