మనామా: సౌదీ పర్యాటక మంత్రి అహ్మద్ అల్-ఖతీబ్ యూనిఫైడ్ GCC వీసాపై క్లారిటీ ఇచ్చారు. వచ్చే ఏడాది యూనిఫైడ్ గల్ఫ్ వీసాను ప్రారంభించనున్నట్లు ప్రకటించారు. ఇది గల్ఫ్ దేశాల మధ్య నాలుగు సంవత్సరాల సహకారం తర్వాత సాధించిన ఒక ప్రధాన మైలురాయిని సూచిస్తుందని పేర్కొన్నారు. సోమవారం బహ్రెయిన్‌లోని మనామాలో జరిగిన గల్ఫ్ గేట్‌వే ఇన్వెస్ట్‌మెంట్ ఫోరమ్‌లో ఆయన ఈ విషయాలు తెలిపారు. గల్ఫ్ కోఆపరేషన్ కౌన్సిల్ (GCC) దేశాలు తమ పర్యాటక రంగాలలో చారిత్రాత్మక పరివర్తనను చూస్తున్నాయని, చమురు మరియు వాణిజ్యంతో పాటు పర్యాటకం కీలక ఆర్థిక స్తంభంగా అభివృద్ధి చెందుతుందని అల్-ఖతీబ్ అన్నారు.

ఈ ప్రాంతం యొక్క గొప్ప సాంస్కృతిక వారసత్వం, అధునాతన మౌలిక సదుపాయాలు మరియు సురక్షితమైన వాతావరణం ఈ వృద్ధికి కారనాలుగా ఉన్నాయని, గల్ఫ్‌ను ప్రపంచంలోని ప్రముఖ పర్యాటక గమ్యస్థానాలలో ఒకటిగా నిలిపాయని ఆయన వెల్లడించారు. గత సంవత్సరం ఈ ప్రాంతంలోని నాలుగు ప్రధాన విమానయాన సంస్థలు దాదాపు 150 మిలియన్ల మంది ప్రయాణికులను తీసుకెళ్లాయని అల్-ఖతీబ్ తెలిపారు.