కువైట్: సైనిక సహకారంపై కువైట్, జోర్డాన్ చర్చలు జరిపాయి. కువైట్ చీఫ్ ఆఫ్ జనరల్ స్టాఫ్, లెఫ్టినెంట్ జనరల్ ఖలీద్ అల్-షురైయాన్, జోర్డాన్ సాయుధ దళాల చీఫ్ ఆఫ్ జాయింట్ స్టాఫ్, మేజర్ జనరల్ యూసఫ్ అల్-హునైటితో సమావేశమయ్యారు. రెండు దేశాల మధ్య సైనిక సహకారాన్ని పెంపొందించడంపై దృష్టి సారించి, పరస్పర ఆసక్తి ఉన్న అంశాలపై చర్చించారు.  

అనంతరం కువైట్, జోర్డాన్ చీఫ్‌లు ముబారక్ అల్-అబ్దుల్లా జాయింట్ కమాండ్ అండ్ స్టాఫ్ కాలేజీని సందర్శించారు. అక్కడ అందిస్తున్న శిక్షణ కార్యక్రమాలను పరిశీలించారు.  వారి వెంట రెండు దేశాలకు చెందిన ఉన్నతాధికారులు, సైనికాధికారులు ఉన్నారు.