రియాద్: సౌదీ అరేబియాలో 60 సంవత్సరాలు మరియు అంతకంటే ఎక్కువ వయస్సు ఉన్న వారి సంఖ్య దాదాపు 1.7 మిలియన్లకు చేరుకుంది.  మొత్తం జనాభాలో వీరు 4.8 శాతానికి సమానం అని జనరల్ అథారిటీ ఫర్ స్టాటిస్టిక్స్ (GASTAT) గణంకాలు తెలిపాయి. వృద్ధులలో సౌదీలు 69 శాతం ఉన్నారు. మొత్తం వృద్ధులలో పురుషులు 57 శాతం,  మహిళలు 43 శాతం ఉన్నారు.

వృద్ధులలో జీవిత సంతృప్తి చాలా ఎక్కువగా ఉందని, పురుషులు మరియు మహిళలు ఇద్దరూ దాదాపు 91 శాతం మంది సంతృప్తి వ్యక్తం చేశారని సర్వేలో తేలిందన్నారు. దాదాపు 7 శాతం మంది ఏ వివరాలు చెప్పలేదు. కేవలం 2 శాతం మంది మాత్రమే అసంతృప్తి వ్యక్తం చేశారని నివేదిక వెల్లడించింది.

ఇక 60-64 ఏళ్ల వయస్సులో వ్యాయామం చేసే వారి శాతం సుమారు 42.6 శాతంగా ఉంది. అలాతే, 65-69 ఏళ్ల వయస్సులో 36.1 శాతానికి, తరువాత 70-74 ఏళ్ల వయస్సులో 24.2 శాతానికి పడిపోయింది.  85 ఏళ్లు మరియు అంతకంటే ఎక్కువ వయస్సు ఉన్న వారిలో 9.6 శాతానికి చేరుకుంది.

సౌదీ వృద్ధ పురుషులలో 40.6 శాతం మంది తమ రోజువారీ పనులు చేసుకుంటున్నారని సర్వే ఫలితాలు వెల్లడించాయి. అయితే 30.9 శాతం మంది తమ పిల్లలపై మరియు 25.8 శాతం మంది తమ జీవిత భాగస్వాములపై ఆధారపడుతున్నారు. వృద్ధ మహిళలలో 40.9 శాతం మంది తమ పిల్లలపై, 36.5 శాతం మంది స్వయంగా, 5.7 శాతం మంది తమ భర్తలపై ఆధారపడుతున్నారు.

వృద్ధులలో డిజిటల్ ఇంటిగ్రేషన్ విషయానికొస్తే, వృద్ధ పురుషులలో 86.9 శాతం మంది స్మార్ట్‌ఫోన్ లేదా కంప్యూటర్‌ను ఉపయోగిస్తున్నారు. వృద్ధ మహిళలలో 78 శాతం మంది స్మార్ట్‌ఫోన్ లేదా కంప్యూటర్‌ను ఉపయోగిస్తున్నారని సర్వేలో తేలింది. సేవలను యాక్సెస్ చేయడానికి లేదా పనులు చేయడానికి టెక్నాలజీని ఉపయోగించే విషయంలో పురుషులు 75.7 శాతం మరియు మహిళలు 58.7 శాతం శాతంగా ఉందని నివేదిక వెల్లడించింది.