మస్కట్: ఒమన్ లో 12 మంది ఆఫ్రికన్ జాతీయులను అరెస్ట్ చేశారు. అల్ వుస్తా గవర్నరేట్ పోలీస్ కమాండ్ సహకారంతో నిర్వహించిన స్పెషల్ ఆపరేషన్‌లో దేశంలోకి అక్రమంగా ప్రవేశించినందుకు వీరిని అరెస్టు చేసినట్లు నార్త్ అల్ షర్కియా పోలీస్ కమాండ్ తెలిపింది. అలాగే వీరికి సహకరించిన ఒక స్థానికుడిని కూడా అదుపులోకి తీసుకున్నట్లు పేర్కొన్నారు. సదరు వ్యక్తి తన ప్రైవేట్ వాహనాన్ని ఉపయోగించి వారిని అక్రమంగా దేశంలోకి చొరబడేందుకు సహాయం చేశాడని పోలీసులు తెలిపారు. వారందరిపై చట్టపరమైన చర్యలు తీసుకుంటున్నట్లు తెలిపారు.