మస్కట్: కన్స్యూమర్ ప్రొటెక్షన్ అథారిటీ (CPA) హెచ్చరించింది. అధికారిక వెబ్‌సైట్‌ను పోలిఉండేలా నకిలీ వెబ్ సైట్ మోసపూరిత కార్యకలాపాల గురించి రాయల్ ఒమన్ పోలీసులు హెచ్చరించారు. కన్స్యూమర్ ప్రొటెక్షన్ అథారిటీ అధికారిక ప్లాట్‌ఫామ్ లో కంటెంట్‌ కు దగ్గరగా పోలిఉండే నకిలీ వెబ్‌సైట్‌ను ఉపయోగించి, మోసాలు పెరుగుతున్నట్లు గమనించినట్లు జనరల్ డైరెక్టరేట్ ఆఫ్ క్రిమినల్ ఇన్వెస్టిగేషన్ అండ్ రీసెర్చ్ పేర్కొంది.

బహుమతుల  పేరిట బాధితులను ఆకర్షిస్తారని, ఆ తర్వాత వారి వ్యక్తిగత మరియు బ్యాంకింగ్ సమాచారాన్ని చట్టవిరుద్ధంగా పొంది వారి ఖాతాల నుండి నిధులను ఉపసంహరించుకుంటారుని తెలిపారు. ఏదైనా వ్యక్తిగత లేదా ఆర్థిక సమాచారాన్ని నమోదు చేసే ముందు వెబ్‌సైట్‌ల ప్రామాణికతను ధృవీకరించుకోవాలని సూచించారు. కన్స్యూమర్ ప్రొటెక్షన్ అథారిటీ తన సేవలను అందించేటప్పుడు బ్యాంక్ కార్డ్ వివరాలను అడగదని స్పష్టం చేశారు. ప్రజలు జాగ్రత్తగా ఉండాలని మరియు ఏదైనా అనుమానిత మోసపూరిత కార్యకలాపాలను సంబంధిత అధికారులకు నివేదించాలని కోరారు.