కువైట్ః కువైట్ లో ఉల్లంఘనలకు పాల్పడుతూ డ్రైవింగ్ చేస్తూ పట్టుబడిన 45 మంది డ్రైవర్లకు జైలు శిక్ష విధించారు. జనరల్ డైరెక్టరేట్ ఆఫ్ ట్రాఫిక్ డిసెంబర్ 22 నుండి 28 తేదీ వరకు దేశంలోని వివిధ ప్రాంతాల్లో తనిఖీలు నిర్వహించింది. చెల్లుబాటు అయ్యే లైసెన్స్‌లు లేకుండా వాహనాలు నడిపినందుకు 45 మంది డ్రైవర్లను ట్రాఫిక్ జైలుకు రిఫర్ చేయగా, 19 మంది బాలనేరస్థులను జువెనైల్ ప్రాసిక్యూషన్ కు రిఫర్ చేసినట్టు ట్రాఫిక్ వ్యవహారాలు మరియు కార్యకలాపాల విభాగ అధిపతి బ్రిగేడియర్ అబ్దుల్లా అల్-అతీ తెలిపారు. మొత్తం 19,362 ట్రాఫిక్ ఉల్లంఘనలు నమోదయ్యాయని,  254 వాహనాలు మరియు 15 మోటార్ సైకిళ్లను సీజ్ చేసినట్టు పేర్కొన్నారు.
అలాగే,గడువు ముగిసిన నివాస అనుమతులు ఉన్న 11 మంది వ్యక్తులను అరెస్టు చేయగా, నలుగురు వ్యక్తులను జనరల్ డైరెక్టరేట్ ఫర్ డ్రగ్ కంట్రోల్‌కు రిఫర్ చేసినట్టు వెల్లడించారు. పరారీ కేసులు లేదా అరెస్ట్ వారెంట్లు చెల్లించని 21 మందిని అదుపులోకి తీసుకున్నట్లు తెలిపారు.