జెడ్డా: భారీ స్మగ్లింగ్ చేసే ప్రయత్నాన్ని అడ్డుకున్నట్లు జకాత్, పన్నులు మరియు కస్టమ్స్ అథారిటీ (ZATCA)  తెలిపింది. జెడ్డా ఇస్లామిక్ పోర్టుకు వచ్చిన ఒక పార్సిల్ లో దాచి ఉంచిన 4,793,000 ఆంఫెటమైన్ పిల్స్ ను స్వాధీనం చేసుకున్నట్లు ZATCA ప్రతినిధి హమ్మూద్ అల్-హర్బీ తెలిపారు.  బొగ్గు సంచుల లోపల దాచి ఉంచిన పిల్స్ ను ఆధునిక స్కానింగ్ తో  గుర్తించినట్టు తెలిపారు.

అనంతరం నార్కోటిక్స్ కంట్రోల్ జనరల్ డైరెక్టరేట్‌తో కలిసి కింగ్‌డమ్ లోపల వాటి రిసీవర్ ను అరెస్టు చేసినట్లు ఆయన చెప్పారు. అనుమానాస్పద కార్యకలాపాల గురించి అథారిటీ హాట్‌లైన్ (1910), ఇమెయిల్ ([email protected]) లేదా అంతర్జాతీయ నంబర్ (009661910) ద్వారా నివేదించడం ద్వారా స్మగ్లింగ్‌ను ఎదుర్కోవడంలో సహకరించాలని అల్-హర్బీ ప్రజలకు పిలుపునిచ్చారు.