కొత్త పౌర విమానయాన పాలసీ వల్ల పెట్టుబడులు పెరిగి మారుమూల ప్రాంతాలకూ అనుసంధానత పెరుగుతుందని.. ఫలితంగా విమాన సర్వీసుల నిర్వాహకులు, ప్రయాణికులు లబ్ధిపొందుతారని కేంద్ర మంత్రి అశోక గజపతిరాజు తెలిపారు. లోక్‌సభలో అనుబంధ ప్రశ్నలకు ఆయన సమాధానమిస్తూ ఈ విషయాన్ని తెలిపారు. విమానాశ్రయాల ఏర్పాటుకు కేంద్రం 80శాతం రాష్ట్రం 20శాతం నిధులను పెట్టుబడుల రూపంలో పెడతాయని.. అదే ఈశాన్య రాష్ట్రాల్లో కేంద్రం వాటా 90శాతం వరకు ఉంటుందని చెప్పారు. ఈ పథకం విజయవంతమవుతుందని ఆయన ఆశాభావం వ్యక్తం చేశారు.