ఎడారి దేశం కువైట్‌లో భానుడు తన ప్రతాపాన్ని చూపిస్తున్నాడు. ఎన్నడూ లేనంతగా ఉగ్రరూపం చూపిస్తున్నాడు. దీంతో ప్రజలు బయటకు వచ్చేందుకు భయపడుతున్నారు. ఎండ ధాటికి సిగ్నల్ లైట్లపై ఉండే ప్లాస్టిక్ కరిగి నీరులా కారిపోతోంది. శుక్రవారం 60 డిగ్రీల ఉష్ణోగ్రత నమోదైంది. రోడ్డుపై పార్క్ చేసిన కార్లు తగలబడిపోతున్నాయి. దీంతో ప్రజలు బెంబేలెత్తిపోతున్నారు. మధ్యాహ్నం సమయంలో ప్రజలెవరూ బయటకు రావద్దంటూ ప్రభుత్వం హెచ్చరికలు జారీ చేసింది. పరిశ్రమల్లో పనిచేసే కార్మికులతో మధ్యహ్నం పూట పనిచేయించడాన్ని నిషేధించింది.