రియాద్: కాజ్‌వే యాప్‌ను ఉపయోగించే ప్రయాణికుల కోసం కొత్త ప్యాకేజీలను ప్రారంభించినట్లు కింగ్ ఫహద్ కాజ్‌వే అథారిటీ ప్రకటించింది. ఇవి ఫిబ్రవరి 18 నుండి  అమల్లోకి వస్తాయని, టోల్ ఫీజులపై 40 శాతం వరకు తగ్గింపును అందిస్తాయని తెలిపింది. కొత్త టోల్స్ ప్రకారం.. కార్లు మరియు మోటార్‌సైకిళ్లకు SR35, మినీబస్సులకు SR55, పెద్ద బస్సులకు SR70 మరియు ట్రక్కులకు టన్నుకు SR7 గా వసూలు చేయనున్నారు. ఇక తరచూ ప్రయాణించే వారి కోసం ప్రత్యేక ప్యాకేజీలను ప్రకటించారు.

మొదటి ప్యాకేజీ ధర SR850 గా నిర్ణయించారు. ఇది తీసుకున్న వారు నెలకు లేదా 40 సార్లు  ఉపయోగించవచ్చు. ఇక ఫ్రీక్వెంట్ ట్రావెలర్ ప్యాకేజీ ప్యాకేజీ ధర SR1,120 గా ఉంది. ఇది టోల్ ఫీజులపై 20 శాతం వరకు తగ్గింపును అందిస్తుంది. ఇది ఒక సంవత్సరం పాటు లేదా 40 సార్లు రాకపోకల వరకు చెల్లుబాటు అవుతుంది. రౌండ్-ట్రిప్ ప్యాకేజీ ప్యాకేజీ ధర SR60 గా ఉంది. ఇది మొదటిసారి ప్రయాణించిన తేదీ నుండి ఒక వారం పాటు లేదా మొదటి రెండు ప్రయాణాల వరకు చెల్లుబాటు అవుతుందని అథారిటీ ప్రకటించింది.