దోహా: నాసర్ బిన్ ఖలీద్ ఇంటర్ సెక్షన్ లో ఐదు గంటల పాటు ట్రాఫిక్ ఆంక్షలు విధించినట్లు ఖతార్ పబ్లిక్ వర్క్స్ అథారిటీ ప్రకటించింది.  నిర్వహణ పనులను నిర్వహించడానికి వీలుగా ఫిబ్రవరి 20న తెల్లవారుజామున 2 గంటల నుండి ఉదయం 7 గంటల వరకు మూసివేత  ఆంక్షలు అమల్లో ఉంటాయని తెలిపింది.  ఈ సమయంలో అల్ దివాన్ స్ట్రీట్ నుండి వాడి ముషైరెబ్ స్ట్రీట్ వైపు వచ్చే ట్రాఫిక్ కోసం ఫ్రీ రైట్ టర్న్ మూసివేయబడుతుందని పేర్కొంది.   వాహనదారులు తమ గమ్యస్థానాలకు చేరుకోవడానికి సమీపంలోని ప్రత్యామ్నాయ రహదారులను ఉపయోగించాలని సూచించారు.