దోహా: జాతీయ హెచ్చరిక వ్యవస్థ (National Warning System) హెచ్చరిక సౌండ్ ఉన్న వీడియోలు లేదా ఆడియో రికార్డింగ్‌లను ప్లే చేయవద్దని ప్రజలను అంతర్గత వ్యవహారాల మంత్రిత్వ శాఖ కోరింది. ఈ మేరకు ఒక ప్రకటనను జారీ చేసింది.

నేషనల్ ఎమర్జెన్సీ అలెర్ట్ టోన్‌లను మొబైల్ ఫోన్ రింగ్‌టోన్‌లుగా ఉపయోగించడం లేదా సమావేశాలు, బహిరంగ ప్రదేశాలలో వాటిని ప్రసారం చేయడం వలన భయాందోళనలు పెరిగి, ప్రజా ప్రశాంతతకు భంగం కలగవచ్చని మంత్రిత్వ శాఖ హెచ్చరించింది.

జాతీయ హెచ్చరిక వ్యవస్థను దుర్వినియోగం చేయడం నిబంధనల ఉల్లంఘన కిందకు వస్తుందని స్పష్టం చేసింది. అలాంటి వారిపై చట్టపరమైన చర్యలు తీసుకుంటామని మంత్రిత్వ శాఖ హెచ్చరించింది.