హైదరాబాద్: రాజీవ్ గాంధీ అంతర్జాతీయ విమానాశ్రయం (RGIA)లో అంతర్జాతీయ మాదకద్రవ్యాల అక్రమ రవాణాపై చేపట్టిన ఒక భారీ చర్యలో భాగంగా, హైదరాబాద్ కస్టమ్స్ ఎయిర్ ఇంటెలిజెన్స్ యూనిట్ (AIU) అధికారులు, 07.04.2026 తెల్లవారుజామున థాయ్ ఎయిర్‌వేస్ ఫ్లైట్ నెం. TG-329లో బ్యాంకాక్ నుండి వస్తున్న ఒక భారతీయ ప్రయాణికుడిని, ప్రవర్తనా పరిశీలన (బిహేవియరల్ ప్రొఫైలింగ్) ఆధారంగా అదుపులోకి తీసుకున్నారు. అతని సామానును తనిఖీ చేయగా, ఆకుపచ్చని పదార్థాలు ఉన్న 22 వాక్యూమ్-సీల్డ్ ప్యాకెట్లను స్వాధీనం చేసుకున్నారు. ఆ పదార్థాన్ని పరీక్షించగా, NDPS చట్టం, 1985 పరిధిలోకి వచ్చే మాదకద్రవ్యమైన హైడ్రోపోనిక్ గంజాయి గా నిర్ధారణ అయింది. పట్టుబడిన ఆ నిషేధిత సరుకు మొత్తం నికర బరువు 13.2 కిలోలు కాగా, నిబంధనల ప్రకారం దానిని స్వాధీనం చేసుకున్నారు.

08.04.2026న జరిగిన తదుపరి ఆపరేషన్‌లో, పైన పేర్కొన్న ప్రయాణికులకు ప్రయాణ ఏర్పాట్లు, లాజిస్టిక్స్ మరియు సూచనలు అందిస్తూ ఈ స్మగ్లింగ్ దందాను నడుపుతున్నాడని అనుమానిస్తున్న మరో వ్యక్తిని కూడా అరెస్టు చేసి రిమాండ్‌కు తరలించారు. తదుపరి దర్యాప్తు కొనసాగుతోంది.

2025–2026 ఆర్థిక సంవత్సరంలో, హైదరాబాద్ కస్టమ్స్ మొత్తం 160 కిలోల హైడ్రోపోనిక్ గంజాయి ను స్వాధీనం చేసుకుని, ఇలాంటి కేసులకు సంబంధించి 30 మందిని అరెస్టు చేసారు.