మినిస్ట్రీ ఆఫ్‌ మునిసిపాలిటీ మరియు ఎన్విరాన్‌మెంట్‌కి చెందిన ఇండస్ట్రియల్‌ ఇన్‌స్పెక్షన్‌ డిపార్ట్‌మెంట్‌, 60 కంపెనీలకు హెచ్చరికలు జారీ చేసింది. పొల్యూషన్‌ నిబందనల్ని అతిక్రమిస్తున్నట్లు ఈ హెచ్చరికల్లో పేర్కొన్నారు. ఏడాదికి రెండుసార్లు ఈ తనిఖీలు నిర్వహిస్తారు. కార్బన్‌ ఎమిషన్స్‌ ఏ స్థాయిలో గాల్లోకి విడిచపెట్టబడుతున్నాయో ఈ తనిఖీల్లో పరిశీలించి, నిబందనల్ని అతిక్రమించేవారికి హెచ్చరికలు జారీ చేయడం జరుగుతుంది. ఇంకో వైపున ఈ ఏడాది తొలి క్వార్టర్‌లో 190 అనుమతుల్ని మంజూరు చేశారు. గత ఏడాది 600 అనుమతుల్ని మంజూరు చేశారు. చిన్న కంపెనీల విషయానికొస్తే, అంతర్గతంగా పరిస్థితుల్ని మాత్రమే పరిశీలిస్తామనీ, ఒక్కోసారి మిగతా అంశాల్నీ తనిఖీల్లో పరిశీలిస్తామని డైరెక్టర్‌ ఆఫ్‌ ది డిపార్ట్‌మెంట్‌ అలి అబ్దుల్లా అల్‌ మర్రి చెప్పారు. 700 చిన్నస్థాయి కంపెనీలలో ఏడాదికి రెండుసార్లు ఖచ్చితంగా తనిఖీలు నిర్వహిస్తామని ఆయన అన్నారు. అలాగే ప్రత్యేక తనిఖీలు కూడా అప్పుడప్పుడూ జరుగుతంటాయని ఆయన వివరించారు.