ఈ రోజు మరో పసందైన రొట్టెలతో మీ ముందుకు వచ్చాం... అవే బియ్యప్పిండి రొట్టెలు!!

కావలసిన పదార్ధాలు:

• బియ్యప్పిండి                         - 4 కప్పులు
• పల్లీల పొడి (వేయించిన పల్లీల తో ) - 1 కప్పు
• పచ్చిమిర్చి పేస్టు                    - 1 టీ స్పూను
• సన్నగా తరిగిన ఉల్లిపాయలు       - 1 కప్పు
• కీరా దోసకాయ తురుము           - 1/2 కప్పు
• కారత్ తురుము                     - 1/2 కప్పు
• కొత్తిమీర తురుము                  - 2 టేబుల్ స్పూన్లు
• మెంతికూర తురుము               - 2 టేబుల్ స్పూన్లు
• పసుపు                               - చిటికెడు
• ఉప్పు                                 - తగినంత

తయారు చేయు విధానం:

• ముందుగా ఒక పెదా బౌల్ లో బియ్యప్పిండి, పల్లీల పొడి, ఉప్పు వేసి కలపండి.
• ఇప్పుడు తురిమి పెట్టుకున్న కీరా దోసకాయ, కారట్, ఉల్లిపాయలు, కొత్తిమీర, మెంతి కూర, పచ్చిమిర్చి పేస్టు, ఉప్పు వేసి గోరువెచ్చని నీటిని పోస్తూ చపాతీ పిండి కంటే కాస్త మెత్తగా కలపండి.
• ఈ పిండిని చిన్న చిన్న ముద్దలుగా చేసి పెట్టుకోండి.
• ఒక అలుమీనియం ఫాయిల్ మీద చేతికి కాస్త నూనె రాసుకొని ఈ ముద్దల్ని అద్దండి.
• ఇప్పుడు ఒక పెనం మీద ఈ రొట్టె ను కాల్చండి. ఒక పక్క వేయించాక, ఆ ఫాయిల్ మెల్లిగా పైకి వచ్చేస్తుంది.
• అప్పుడు మరో పక్క కూడా కాస్త నూనె వేసి కాల్చండి.
• అంతే ఎంతో రుచికరమైన బియ్యప్పిండి రొట్టెలు తినటానికి రెడీ..!! వీటిని పెరుగుతో మరియు ఏదైనా పచ్చడితో తినచ్చు.

---- శ్రీమతి వేదా, దుబాయ్, యు.ఏ.ఈ.