మన్నించు.... ఓ ప్రేమా !
- August 17, 2016ఎలా కలిసామో
ఎందుకు కలిసామో
కలిసే ఎందుకు నడుస్తున్నామో
ఎంతో కొంత అనుభవించాము
జీవితాన్ని తీయగానే చేదుగానో
అడుగులకూ ఎంతో కొంత తెలుసు
నువ్వు
నేను
మన ప్రపంచం
బరువంతా బయటకు పంపేసి
గుండెనిండా నన్ను మాత్రమే ఒంపుకుంటావు నువ్వు
చీకటి కళ్ళల్లో వెలుతురులా
నిన్ను మాత్రమే నింపుకుంటాను నేను
అద్దం ముందు మనం
అద్దంలో ఎడారి
ఓ చినుకు కోసం మనమింకా ఎదురుచూస్తున్నామని
తెలియని మేఘం ఒకటి కురవకుండానే వెళ్ళిపోయింది
పొడి పొడి ఆవేశాలతో మబ్బులు
ఎక్కడా తడి లేదు
జీవితాన్నే విడిచి నడిచి వెళ్ళాక
దూరం ఎంతైతే యేమిటి
అయినా.....
అమాస చీకటి మీద ఏ కోపమూ లేదు నీకు
పున్నమి వెన్నెల మీద ఏ ఆశ లేదు నాకు
కలగానో
కథగానో
అనుకోకుండానో
మట్టిలో.....నే ఇంకిపోయినా
మాటేదో వినాలనుకుంటావు
కళ్ళల్లో నేను
చేతిలో బూడిద
దుఃఖం ఆకాశమవుతుంది నీకు
పారువెల్ల
తాజా వార్తలు
- డ్యూటీ ఫ్రీ టిక్కెట్..$1 మిలియన్ గెలుచుకున్న భారతీయ మహిళ
- పాలస్తీనా రాజ్య స్థాపనకు సౌదీ అరేబియా మద్దతు
- ఈద్ అల్ అదా సెలువులు. Dh980 నుండి యూరప్ డీల్స్..!
- ఓవర్ టైం వర్క్ పై ఆరోగ్య మంత్రిత్వ శాఖ కీలక ఉత్తర్వులు
- మస్కట్ ఎయిర్పోర్ట్...దక్షిణ రన్వే ప్రారంభం
- అక్రమ రవాణా కేసులో ఆఫ్రికన్ మహిళకు జైలుశిక్ష
- ల్యాండ్ టైటిలింగ్ యాక్ట్ పై నీతి ఆయోగ్ సంచలన ప్రకటన
- హైదరాబాద్లో అనేక ప్రాంతాల్లో భారీ వర్షం
- CBSE పాఠశాలలు ఓపెన్-బుక్ పరీక్షలను నిర్వహిస్తాయా?
- స్లోవాక్ ప్రధానిపై హత్యాయత్నం.. తీవ్రంగా ఖండించిన ఖతార్