దుబాయ్: దుబాయ్‌లోని ప్రముఖ బహుళ సాంస్కృతిక కుటుంబ వినోద కేంద్రం గ్లోబల్ విలేజ్ సీజన్ 31 ప్రారంభ తేదీని అధికారికంగా ప్రకటించింది. 2026 అక్టోబర్ 14, బుధవారం నుంచి కొత్త సీజన్ ప్రారంభం కానుంది. 2027 మే వరకు సీజన్ 31 కొనసాగనుంది. ‘A More Wonderful World’ అనే థీమ్‌తో ఈసారి సందర్శకులకు మరింత వైవిధ్యమైన అనుభవాలను అందించేందుకు నిర్వాహకులు సిద్ధమవుతున్నారు.

కొత్త సీజన్‌లో సందర్శకులను ఆకట్టుకునేలా పలు కొత్త కార్యక్రమాలు, వినోదాలు, ఆకర్షణలను పరిచయం చేయనున్నారు. కుటుంబాలతో కలిసి కొత్త జ్ఞాపకాలను సృష్టించుకునే వారికి, తొలిసారి గ్లోబల్ విలేజ్‌ను సందర్శించే స్థానికులు, పర్యాటకులకు ప్రత్యేక అనుభూతిని అందించేలా ఏర్పాట్లు చేస్తున్నారు.

1997లో ప్రారంభమైన గ్లోబల్ విలేజ్ మూడు దశాబ్దాల విజయవంతమైన ప్రస్థానాన్ని పూర్తి చేసుకుంది. అప్పటి నుంచి యూఏఈతో పాటు ప్రపంచవ్యాప్తంగా ఉన్న కోట్లాది మంది సందర్శకులను ఆకర్షిస్తూ దుబాయ్ సాంస్కృతిక, వినోద క్యాలెండర్‌లో ప్రత్యేక స్థానాన్ని సంపాదించుకుంది.

విభిన్న దేశాల సంస్కృతులను ప్రతిబింబించే పావిలియన్లు, ప్రత్యక్ష వినోద కార్యక్రమాలు, ప్రపంచ స్థాయి రెస్టారెంట్లు, ప్రత్యేకమైన షాపింగ్ అవకాశాలతో గ్లోబల్ విలేజ్ ప్రతి సీజన్‌లో కొత్త ఆకర్షణలను జోడిస్తూ ముందుకు సాగుతోంది.

సీజన్ 31 ప్రారంభానికి ముందు కొత్తగా అందుబాటులోకి రానున్న ఆకర్షణలు, మెరుగుపరిచిన సదుపాయాలు, అలాగే సందర్శకుల అభిమానంగా నిలిచిన పాత ఆకర్షణలకు సంబంధించిన వివరాలను దశలవారీగా ప్రకటించనున్నట్లు నిర్వాహకులు తెలిపారు. దీంతో ఈ సీజన్‌లో కుటుంబాలు, స్థానికులు, పర్యాటకులకు మరింత అద్భుతమైన అనుభవాలు అందనున్నాయి.