కేంద్ర మాజీ మంత్రి నజ్మా హెప్తుల్లా మణిపూర్‌ 18వ గవర్నర్‌గా ఆదివారం ప్రమాణస్వీకారం చేశారు. ఇంఫాల్‌లోని రాజ్‌భవన్‌లో మణిపూర్‌ హైకోర్టు ప్రధాన న్యాయమూర్తి రాకేశ్‌ రంజన్‌ ప్రసాద్‌ నజ్మాతో ప్రమాణస్వీకారం చేయించారు. రాష్ట్ర ముఖ్యమంత్రి ఒక్రమ్‌ ఇబోబి సింగ్‌, ఇతర మంత్రులు, అధికారులు ఈ కార్యక్రమానికి హాజరయ్యారు.ఓ గవర్నర్‌గా మణిపూర్‌ సంస్కృతి సంప్రదాయాలు అధ్యయనం చేయడం తన ప్రథమ కర్తవ్యమని ఈ సందర్భంగా నజ్మా అన్నారు. 76ఏళ్ల నజ్మా గత నెల మైనార్టీ వ్యవహారాల శాఖ మంత్రి పదవికి రాజీనామా చేసిన విషయం తెలిసిందే.