జాకీజాన్‌ కథానాయకుడిగా ఇటీవల విడుదలైన చిత్రం 'స్కిప్‌ ట్రేస్‌'. చైనాలో మాత్రమే విడుదలైన ఈ చిత్రం కలెక్షన్ల వర్షం కురిపించింది. విడుదలైన తొలిరోజే ఏకంగా రూ.420 కోట్ల కలెక్షన్‌ రాబట్టింది. వారం రోజుల్లో దాదాపు రూ.1000 కోట్ల వరకు కలెక్షన్‌ వచ్చినట్లు సంబంధిత వర్గాలు అధికారికంగా ప్రకటించాయి. పక్కా కమర్షియల్‌ హంగులతో రూపొందించిన ఈ సినిమాను ప్రస్తుతం తమిళంలో 'ఇరు కిలాడిగల్‌' పేరుతో అనువాదం చేశారు. 100కు పైగా ఆంగ్ల చిత్రాలను విడుదల చేసిన సన్‌మూన్‌ పిక్చర్స్‌ బ్యానరుపై విశ్వాస్‌ సుందర్‌ ఈ చిత్రాన్ని తమిళంలో విడుదల చేస్తున్నారు.

సెప్టెంబరు రెండో తేదీన 'ఇరు కిలాడిగల్‌' చిత్రం తెరపైకి రానుంది. ఈ సినిమాను సూపర్‌స్టార్‌ రజనీకాంత్‌ వీక్షించనున్నట్లు సమాచారం.