టాలీవుడ్‌ సీనియర్‌ నటుడు, కమెడియన్‌ పృథ్వీరాజ్‌ షూటింగ్‌లో గాయపడ్డారు. '30 ఇయర్స్‌ ఇండస్ట్రి పృథ్వీ'గా పాపులర్‌ అయిన ఆయన సాయిధరమ్‌ తేజ హీరోగా తెరకెక్కుతున్న తాజా చిత్రంలో నటిస్తున్నాడు. గోపీచంద్‌ మల్లినేని దర్శకత్వంలో రూపొందుతున్న ఈ సినిమా షూటింగ్‌ సందర్భంగా రోప్‌స్టంట్‌ ఫైటింగ్‌ దృశ్యాన్ని చిత్రికరీస్తుండగా అది వికటించడందో పృథ్వీకి చిన్నపాటి గాయాలైనట్టు సమాచారం. చిత్రయూనిట్‌ ఆయనను వెంటనే సమీపంలోని ఆస్పత్రికి తరలించింది. ప్రస్తుతం ఆయన కోలుకుంటున్నారు. తాను గాయపడిన విషయాన్ని ఫేస్‌బుక్‌లో తెలిపిన పృథ్వీ.. తాను త్వరగా కోలుకోవాలని ప్రార్థించిన అభిమానులకు కృతజ్ఞతలు తెలిపారు.