ఈద్‌ అల్‌ అదా సందర్భంగా యూఏఈ అంతటా పది రోజులపాటు ఉచిత వైఫైని అందిస్తున్నట్లు ఎటిసలాట్‌ ఓ ప్రకటనలో పేర్కొంది. పబ్లిక్‌ వైఫైని మాల్స్‌లోనూ, రెస్టారెంట్స్‌లోనూ, కేఫ్‌లు తదితర ప్రాంతాల్లో ఉచిత వైఫై సౌకర్యాన్ని ఎటిసలాట్‌ సంస్థ అందించనుంది. సెప్టెంబర్‌ 8 నుంచి 17 వరకు ఈ ఉచిత వైఫై సేవలు అందుబాటులో ఉంటాయి. దేశంలోని 300 పబ్లిక్‌ లొకేషన్లలో అత్యంత వేగంతో మొబైల్‌ ఫోన్లకు వైఫై సౌకర్యాన్ని అందిస్తారు. ఎటిసలాట్‌ చీఫ్‌ కస్టమర్‌ ఆఫర్‌ కాలెద్‌ ఎక్కౌలీ మాట్లాడుతూ, ఫెస్టివ్‌ స్పిరిట్‌తో వినియోగదారులతో కలిసి ఈద్‌ అలా సంబరాల్లో ఆము కూడా భాగం పంచుకుంటున్నందుకు ఆనందంగా ఉందని చెప్పారు. వన్‌ టైమ్‌ రిజిస్ట్రేషన్‌ ద్వారా వినియోగదారులకు పిన్‌ నెంబర్‌ని ఎస్‌ఎంఎస్‌ చేస్తారు. మొబైల్‌ నెంబర్‌ని లాగిన్‌ ఐడీగానూ, పిన్‌ నెంబర్‌ని పాస్‌వర్డ్‌గానూ వినియోగించుకుని ఉచిత వైఫైని యాక్సెస్‌ చేయవచ్చు.