అమెరికాలోని వరల్డ్ ట్రేడ్ సెంటరుపై 2001 సెప్టెంబరు 11వతేదీన జరిగిన దాడులు వేలసార్లు పునరావృతం చేస్తామని అల్ ఖైదా చీఫ్ అల్ జవహిరి హెచ్చరించారు. అల్ ఖైదా 15వ వార్షికోత్సవం సందర్భంగా వీడియో సందేశాన్ని యూట్యూబ్ లో ఉంచారు. తమకు వ్యతిరేకంగా అమెరికా చేస్తున్న నేరాలకు వ్యతిరేకంగా సెప్టెంబరు 11 లాంటి దాడులు వేలసార్లు చేస్తామని ఆయన హెచ్చరించారు. అరబ్, ముస్లిమ్ దేశాల్లో భూములను ఆక్రమించుకునే వాషింగ్‌టన్ విధానాలను అవినీతి ప్రభుత్వాలు సమర్ధిస్తున్నాయని జవహిరి వీడియోలో ఆరోపించారు. తెల్లవారి ఆధిపత్యాన్ని నిరోధించేందుకు వీలుగా జిహాదీలు సంఘటితం కావాలని ఆయన పిలుపునిచ్చారు.