విశాల్‌ తన 'కత్తిసండై'తో దీపావళి వినోదాన్ని పంచడానికి సిద్ధమవుతూనే తదుపరి చిత్రానికి శ్రీకారం చుట్టారు. భిన్నమైన చిత్రాల దర్శకుడిగా పేరు తెచ్చుకున్న మిష్కిన్‌ ఈ సినిమాకు దర్శకత్వం వహిస్తున్నారు. దీనికి 'తుప్పరివాళన్‌' అని పేరుపెట్టారు. ప్రస్తుతం చిత్రీకరణ పూర్వ పనులు శరవేగంగా సాగుతున్నాయి.23వ తేదీన చిత్రీకరణ ఆరంభం కానుంది. చెన్నైలో కీలకమైన సన్నివేశాలను తెరకెక్కించనున్నారు. ఇందులో విశాల్‌కు జంటగా తొలిసారిగా రకుల్‌ ప్రీత్‌సింగ్‌ నటిస్తున్నారు. సీనియర్‌ దర్శక, నటుడు భాగ్యరాజ్‌ ఇందులో కీలకపాత్ర పోషించనున్నారు.తన సొంత బ్యానరైన విశాల్‌ ఫిలిం ఫ్యాక్టరీ బ్యానరుపై ఈ సినిమా నిర్మిస్తున్నారు. అరోల్‌ కురాలి సంగీతం సమకూర్చుతున్నారు