వెంకట్ కచర్ల దర్శకత్వంలో తొలిసారి తెలుగు తెరపై జాంబీ , కామెడీ కాంబినేషన్ లో జామెడీగా తెరకెక్కిన చిత్రం తను వచ్చెనంట. ఈ చిత్రంలో జబర్తస్త్ యాంకర్ రేష్మి ప్రధాన పాత్ర పోషిస్తుంది. తేజ, ధన్య బాలకృష్ణ ప్రధాన పాత్రలలో కనిపించనున్నారు. తాజాగా ఈ చిత్రానికి సంబంధించి పోస్టర్ విడుదల చేయడంతో పాటు సెప్టెంబర్ 30న 'తను వచ్చెనంట' థియేటర్లలోకి రానున్నట్టు ఎనౌన్స్ చేశారు. అయితే ఈ చిత్రం దెయ్యం చిత్రం కాదని రేష్మి తన అఫీషియల్ పేజ్ ద్వారా తెలపడం విశేషం.