గ్రేటర్‌ హైదరాబాద్‌ ఆర్టీసీ పరిధిలో 115 ఏసీ బస్సుల్లో త్వరలోనే వైఫై సేవలు అందుబాటులోకి రానున్నాయి. మరో వారం రోజుల్లోనే ఈ వైఫై సేవలను పూర్తిస్థాయిలో అందుబాటులోకి తెచ్చేందుకు చర్యలు తీసుకుంటున్నట్లు గ్రేటర్‌ ఆర్టీసీ ఈడీ పురుషోత్తం తెలిపారు. ఏసీ బస్సులు ఎక్కే ప్రయాణికులు మొదటి 25 నిమిషాలు ఉచితంగా వైఫై సేవలు పొందవచ్చని ఆయన చెప్పారు. 25 నిమిషాల తర్వాత కూడా వైఫై వాడాలనుకునే ప్రయాణికులు సాధారణ చార్జీలు చెల్లించాల్సి ఉంటుందన్నారు. ఈ చార్జీలపై బస్సులలో ప్రకటనలు ఏర్పాటు చేయనున్నట్లు తెలిపారు. వైఫై సేవలు అందించేందుకు రూరల్‌ ఇండియా సంస్థ ముందుకు వచ్చిందన్నారు.

ప్రయాణికులకు మెరుగైన సౌకర్యాలు కల్పించేందుకు మరిన్ని కొత్త ప్రణాళికలు అమలు చేస్తామని పేర్కొన్నారు.