పడుకుని ఉన్న 12 మంది సైనికులపై తోటి సైనికులే దాడి చేసి చంపేసిన దారుణ ఘటన ఆఫ్గనిస్థాన్‌లో చోటుచేసుకుంది. కుందుజ్‌ నగరంలో ఈ ఘటన జరిగినట్లు అధికారులు ఈరోజు వెల్లడించారు. ఔట్‌పోస్ట్‌లోని ఇద్దరు సైనికులు నిద్రిస్తున్న ఇతర సైనికులపై విచక్షణారహితంగా దాడి చేసి చంపేశారు. దాడికి పాల్పడిన ఇద్దరు సైనికులకు తాలిబన్లతో సంబంధం ఉన్నట్లు అధికారులు భావిస్తున్నారు. వారు ఘటన అనంతరం అక్కడి నుంచి పారిపోయి తిరుగుబాటుదారులతో కలిసినట్టు తెలుస్తోందని పోలీసులు వెల్లడించారు. దీన్ని 'ఇన్‌సైడర్‌ ఎటాక్‌'గా పేర్కొన్నారు. ఆఫ్గనిస్థాన్‌లో తాలిబన్లు సహా పలు తిరుగుబాటుదారుల గ్రూపులతో ఆఫ్గాన్‌ ప్రభుత్వ బృందాలు చాలా కాలంగా పోరాడుతున్నాయి.