ప్రభుదేవా, తమన్నా జంటగా నటించిన చిత్రం 'దేవి'. 'మదరాసపట్టిణం', 'తలైవా' వంటి సినిమాలను రూపొందించిన విజయ్‌ ఈ చిత్రానికి దర్శకత్వం వహిస్తున్నారు. చిత్రీకరణ పూర్తయింది. శుక్రవారం ఈ సినిమా సెన్సార్‌కు వెళ్లొచ్చింది. దీనిని చూసిన అధికారులు 'యు' ధ్రువీకరణ పత్రం అందజేశారు. ఇదిలా ఉండగా థ్రిల్లర్‌ కథాంశంతో తెరకెక్కిన ఈ చిత్రాన్ని ఈ నెల ఏడో తేదీన విడుదల చేయనున్నట్లు ప్రకటించారు. కె.గణేశ్‌ నిర్మించిన ఈ సినిమాలో సోనూసూద్‌ ముఖ్యపాత్ర పోషించారు. తెలుగు, తమిళం, హిందీ భాషల్లో ఏకకాలంలో విడుదలవుతోంది. ఇదిలా ఉండగా శివకార్తికేయన్‌ నటించిన 'రెమో' సినిమా కూడా ఏడో తేదీన తెరపైకి రానుంది.అలాగే విజయ్‌సేతుపతి నటించిన 'రెక్క' చిత్రం కూడా అదే రోజున అదృష్టాన్ని పరీక్షించుకోబోతోంది.