మనామా: బహ్రెయిన్‌లో ఆన్‌లైన్‌ జాబ్‌ లిస్టింగ్స్‌ ఆగస్ట్‌లో 14 శాతం పెరుగుదల నమోదు చేసినట్లు ఓ స్టడీ వెల్లడించింది. గల్ఫ్‌ దేశాల్లో, బహ్రెయిన్‌తోపాటు ఒమన్‌ మాత్రమే ఆగస్ట్‌లో ఉద్యోగావకాశాల పరంగా టాప్‌ పొజిషన్‌లో ఉన్నాయని మాన్‌స్టర్‌ ఎంప్లాయ్‌మెంట్‌ ఇండెక్స్‌ (ఎంఇఐ) వెల్లడించింది. ఆన్‌లైన్‌ జాబ్‌ పోస్టింగ్స్‌ యాక్టివిటీస్‌పై నెలవారీ సమీక్షలు చేస్తుంది మాన్‌స్టర్‌ డాట్‌ కామ్‌. తద్వారా ఓ నివేదికను వెల్లడిస్తుంటుంది. జులైలో 11 శాతం నమోదు చేసిన బహ్రెయిన్‌, ఆగస్ట్‌లో 3 పాయింట్లు పెరిగి, 14 శాతం పెరుగుదలను నమోదు చేసింది. సౌదీ అరేబియా 2 శాతం తగ్గుదల నమోదు చేసింది. అయితే ఇది వార్షికంగా చూసుకున్నప్పుడు తగ్గుదల మాత్రమే. నెలవారీ విషయంలో కాస్త పెరుగుదల నమోదు చేసింది. యూఏఈలో ఇ-రిక్రూట్‌మెంట్‌ యాక్టివిటీ 24 శాతం తగ్గింది.