సినిమా ఎంత ఖర్చు పెట్టి తీసిన దానికి తగట్టే ప్రమోషన్ చేయకపోతే ఎంత పెద్ద సినిమా అయినా బాక్స్ ఆఫీస్ దగ్గర నడవడం చాల కష్టం..అందుకే ఈరోజుల్లో ఎంత పెద్ద స్టార్ అయినా కానీ తమ సినిమాని ప్రమోట్ చేసుకోవడానికి ముందుకు వస్తున్నారు..అలాంటిది తమ సినిమాను 75 కోట్లు ఖర్చు పెట్టి తీసాం చూడండి అంటే సినీ జనాలు చూస్తారా..అనేది సాధారణ ప్రేక్షకుడి ప్రశ్న.

మాజీ ప్రధాని దేవెగౌడ మనవడు , మాజీ ముఖ్యమంత్రి కుమారస్వామి కొడుకు అయిన నిఖిల్ కుమార్ గౌడ హీరోగా మహదేవ్ దర్శకత్వంలో తెరకెక్కిన జాగ్వార్ చిత్రం దసరా కానుకగా తెలుగు , కన్నడ భాషలలో ఈ నెల 6 న ప్రేక్షకుల ముందుకు రాబోతుంది..దాదాపు 75 కోట్ల భారీ వ్యయం తో ఈ సినిమాను తెరకెక్కించాం అని చిత్ర యూనిట్ చెప్పుకొస్తుంది..కానీ మరో రెండు రోజుల్లో సినిమా రిలీజ్ అవుతున్న కానీ ఎక్కడ ఈ చిత్రం గురించి మాట్లాడుకునే వారు కానీ , కనీసం సినిమా ప్రమోషన్ కూడా ఎక్కడ కనిపించకపోవడం తో ఈ సినిమా చూడడానికి ఎవరు ముందుకొస్తారు అంటున్నారు ప్రేక్షకులు..75 కోట్లు పెట్టి సినిమా తీయడం కాదు దానికి తగట్టే ప్రమోషన్స్ చేయాలంటున్నారు.