ట్విట్టర్‌ కొనుగోలు చేసేందుకు ఎటువంటి బిడ్‌ను దాఖలు చేసే అలోచనలో గూగుల్‌ లేనట్లు సమాచారం. ఈ విషయాన్ని డీల్‌తో దగ్గరి సంబంధం ఉన్న వ్యక్తి ఓ ఆంగ్లవెబ్‌సైట్‌కు తెలిపారు. దీనిపై వ్యాఖ్యానించేందుకు గూగుల్‌ ప్రతినిధి నిరాకరించారు. యాపిల్‌ కూడా ఈ బిడ్‌కు దూరంగా ఉండాలని నిర్ణయించుకుంది. ఇక ఈ డీల్‌ రేసులో వాల్ట్‌డిస్ని ఉన్నట్లు సమాచారం. దీనికి సంబధించిన వ్యహారాలను చూసేందుకు ఇప్పటికే ఈ కంపెనీ బ్యాంకులతో సంప్రదింపులు జరుపుతోంది. వచ్చే కొన్ని వారాల్లో ఈ కంపెనీ బిడ్‌తో ముందుకు రావచ్చని భావిస్తున్నారు. కొనుగోలు రేసు నుంచి గూగుల్‌ తప్పుకొందన్న వార్తలు వెలువడగానే న్యూయార్క్‌ స్టాక్‌ ఎక్సే్చంజిలో ట్విటర్‌ షేర్లు 24.87 డాలర్ల నుంచి 22.10 డాలర్లకు పడిపోయాయి.